الهندوسية

الهندوسية بالهندية): فرناشرمَ) وتعني النظام الاجتماعي (فَرْنَ) الرباعي والروحي (آشْرَمَ)الرباعي. اللغة السنسكريتية (دَيْوَناغَرِي :हिंदू धर्म) تعني لغة الملائكة وهي اللغة التي دونت بها الفيدا وشروحها (بورانات)التي تحمل كل منها اسم الحكيم وعددها 18 بالإضافة إلى مهابهارت ويعني تاريخ الهند الكبرى ورامايان ويعادلان الالياذة عند الاغريق. سلم المولى برهما الفيدز إلى ولده نارد موني الذي سلمها إلى مريده فياس دف الذي دونها منذ 5000 بعد أن كانت مشافهة وهو كبير مراجع الفيدا وبعد أن صنفها إلى اربعة أوكلها إلى مريديه الذين عملوا على نشرها في الأرض. أتباعها يربون على المليار نسمة، منهم 890 مليون نسمة يعيشون في الهند في شبه القارّة الهندية ذات الـ 96% من تعداد الهندوس في العالم.

كلمة "هنْدُو" (بكسر الهاء) هي كلمة فارسية الأصل ولم تستخدم هذه الكلمة لتصف الديانة الهندوسية بل استخدمها الفرس ليشيروا للقوم الذين يسكنون ما وراء نهر السند. وأطلق المصطلح في البداية على تلك المفاهيم الدينية للهندوس وعُرفت تلك المفاهيم بالتالي بالهندوسية - ديانة الهندوس. الهندوسي هو من يؤمن بالفلسفات الواردة في أسفار الـ "فيدا"، وتقول فلسفة الفيدا بالوحدة البائنة أي أن الله وسائر الأحياء من نوع واحد (برهمن) لكنهم آحاد (آتماز). يتجلى الله في ثلاثة وجوه: برهمن اللاشخصي وبرماتما (الذات العليا) وبهجفان (الغني) بينما سائر الأحياء شقوقه. تعلن الفيدز أن لله ثلاثة قدرات: القدرة الباطنية (الروحية) والقدرة الخارجية (المادية) والقدرة البينية (الأحياء). لذلك، الوجود مؤلف من الله المقتدر وقدراته. بالنسبة للهندوس هو عملية البحث عن الذات الروحية وتبينها عن المادة. كما لا تنادي الهندوسية بالبحث عن الخلاص أو إنقاذ الروح، فالروح سليمة وليست بحاجة لخلاص أو انقاذ، فكل ما يحتاجه الإنسان هو فهم غيرية الجسم المادي وذاته الروحية.

الرموز

·        اوم : كلمه متكونه من تلات حروف بتعتبر من اهم رموز الهندوسيه و بيؤمن الهندوس انه هو دا الصوت اللى بيسمعه الواحد من جواه لما بيدخل فى حاله غويطه من التأمل الدينى و التعبد.الاوم بالمفهوم دا اسم من اسامى الاله الاكبر عندهم و غالبا ما بيبتدو به صلواتهم و اغانيهم الدينيه و و كمان و هما بيمارسو التأمل (Meditation).

·         سواستيكا او الصليب المعقوف : و دا متكون من اربع دراعات ملويه لليمين بترمز للحظ الكويس اللى بييجى من الاربع اركان بتوع العالم او ببسطاطه بيرمز للسعاده و للفرح. كلمة سواستيكا مشتقه من الجدر السانسكريتى سواستى(Swasti)اللى معناه الحال عال العال.السواستيكا من اكتر الرموز الهندوسيه اللى بتزين البيبان و الحيطان بتاعة الهندوس. فى الحرب العالميه التانيه استخدم الالمان الصليب المعقوف (السواستيكا) كرمز للنازيه مع انه ما فيش اى علاقه بين الفاشيهو بين المعنى الاصلى للرمز فى الدين الهندوسى.

·         اللوتس : زهرة اللوتس بتطلع من وسط المايه و الطينه بجمال و نقاء و انفصال عن اللى حواليها و بنفس الطريقه زهرة اللوتس بتمثل عن الهندوس الجمال و الطهاره و الارتفاع عن العالم المادى و بترمز لاسطورة الخلق.

المؤسسين

الهنودسيه بتتفرد عن اغلب الديانات التانيه فى انها مش معتمده على تجربه روحيه مر بيها نبى واحد عاش فى الازمان القديمه.على العكس، الهندوسيه ديانه اتطورت على مدى الاف السنين و ساهم فى تشكيلها مئات من الشخصيات الروحيه اللى نقلو تعاليمهم من جيل للتانى.المؤسيين دول بيتقال عليهم الريشى (Rishi) او المتنورين اللى بيتلقو الوحى مباشرة من الالهه و ممكن يكونو رجاله او ستات ، اطفال او عواجيز المهم انهم اتولدو زمان و لسه لحد دلوقتى بيتولدو من وقت للتانى عشان يجددو الرساله و ينشرو التعاليم الهندوسيه.من اقدم الريشى المتنورين دول فاشيستا و فيشواميترا و من اللى ظهرو قريب رامانا ماهراشى (1879 - 1950) و راماكريشنا (1836 - 1886).

من الشخصيات الدينيه المهمه كمان فى الهندوسيه ال(افاتارات ) جمع افاتار و معناها اللى نازلين من السما.بيعتقد الهندوس ان الالهه بتزل من السما من وقت للتانى عشان تجدد الدين و تجيب معاها الخير للبشر و لما بينزلو على الارض بيتجسدو فى صوره بشريه او حيوانيه او حتى نباتيه و بيتقال عليهم الافاتارات.فيشنو من اكتر الالهه اللى ليها افاتارات :عددهم عشره و بيتسمو داسافاتارا (Dasavatara) يعنى الافاتارات العشره (داس بالسانسكريتى معناها 10).بيؤمن الهندوس بعدد كبير من الافاتارات زى راما و كريشنا و بوذا. فى هندوس منفتحين على العالم و ثقافاته المتعدده و بيضيفو الشخصيات الدينيه بتاعة الشعوب التانيه لليستة الافاتارات على اساس انهم تجسيد للاله فيشنو او الذات الالاهيه بشكل عام.من الشخصيات الدينيه دى:

·         يسوع :اللى تعاليمه اتأسست عليها المسيحيه.

·         محمد :اللى تعاليمه اتأسس عليها الاسلام.

·         ماهافيرا : مؤسس الجانيه.

·         زارادوشت : نبى الزارادوشتيه.

النصوص الدينيه

·         الشروتى : دى اقدس النصوص عند الهندوس و كلمة شروتى معناها المسموعه و اتسمت كدا لانها اتنقلت من جيل للتانى عن طريق السمع على مدى الاف السنين.الشروتى بتحتوى على المعرفه الروحيه اللى اكتسبها الريشى (المتنورين) و هما بيتأملو بشكل عميق جدا و بيعتقدو انها وحى مباشر من الالهه.الجزء الاكبر من الشروتى بتتسما الفيدات (جمع فيدا).اجزاء الفيدا اللى بتتكلم عن الفلسفه الهندوسيه اسمها اوبانيشاد.

·         السميريتى : و دى نصوص مقدسه بس مش بقداسة الشروتى. السميريتى فى منها تلات اقسام:

1.  الملاحم: اغلبها بتحكى عن الملاحم و القصص التاريخيه. زى الرامايانا (حكاية راما و سيتا) و الماهاباهارتا (حكاية الاخوات باندافا اللى بيتغلبو على المصاعب بمساعدة كريشنا).

2.  البورانا : و دى قصص اسطوريه مسليه مليانه اثاره و وظيفتها انها تحاول تقرب المفاهيم الفلسفيه المعقده من الناس البساط عشان يقدرو يستوعبوها. فى 18 بورانا عظيمه بيتقال عليهم ماهابورانا.الهندوس بيأكدو ان البورانا دى مجرد قصص لتوصيل التعاليم الهندوسيه و مش لازم تتاخد بشكل حرفى على انها حقايق.

3.  كتب القانون : زى الـ مانوسميرتى و دى كتب عن الاخلاق فى المجتمع الهندوسى.